O sol está esquivo esta quenda pero a chuvia quixo facerse presente en Portomarín e a recibimos con agrado porque sabemos que é importante para refrescar os montes e apagar os lumes que sempre azoutan a nosa terra, pero claro, iso tamén obrigounos a cambiar un chisco a nosa programación e a actividade deportiva estivo presente pero na súa vertiente interior. Deste xeito deixamos amarrados kaiaks e paddle board para dedicar a mañá a uns disparatados xogos predeportivos que uns pintorescos personaxes, chegados na nosa máquina do tempo dende a Grecia clásica, nos propuxeron e que fixeron que botaramos moitas risas. Xa na tarde o teatro, con moitos xogos de improvisación e expresión serviron para que a tarde pasárase voando.
